Objectius

L’Euroregion, un territòri resilient en 2030

L’objectiu de L’Euroregion es de venir un territòri resilient en 2030 e qu’òbra per una Euròpa dels territòris.

L’Euroregion vòl:

• crear al nòrd-oèst de la Mediterranèa un pòl de desvolopament durable basat sus l’integracion sociala, environamentala, culturala e economica del territòri ;
• contribuir a la construccion d’una Euròpa de las regions, unida, solidària e pròcha dels ciutadans.

Sos desfises son :

• s’afirmar coma un territòri de projèctes a l’escala europèa ;
• defendre d’una meteissa votz de projèctes essencials pel desvolopament equilibrat e durable dels nòstres territòris, en preservar las nòstras riquesas naturalas ;
• melhorar la competitivitat del territòri en tot metre las personas al còr de l’accion ;
• venir un pòl europèu, e del bacin mediterranèu, de creissença verda e blava gràcias a l’innovacion e als ligams tescuts entre nòstres centres universitaris, tecnologics, scientifics e culturals e tanben entre los actors economics.

Cal remembrar que de 2017 a 2020, l’EPM se dotèt d’un encastre estrategic que definís los grands axes de trabalh que podètz trobar aquí.

En 2014, lo Comitat de las Regions considerèt que l’Euroregion èra la « melhora estructura de cooperacion territoriala europèa », un vertadièr laboratòri que serviguèt, puèi, d’inspiracion per d’autras iniciativas en èsser una de las primièras organizacions euroregionalas creadas en Euròpa.