L’Euroregion bastirà una economia competitiva per 2030 : circulara, neutra en emissions de carbòni e sostenguda per la transicion numerica.
Per tal d’i arribar, sos objectius per 2030 son :
ECONOMIA
Una economia circulara davancièra
- L’economia circulara euroregionala deu venir de primièr nivèl europèu :
- en perlongar la valor de las ressorsas a partir de la prevencion de la generacion de residús, la reütilizacion, la remanufactura e lo reciclatge, especialament dels materials textils, plastics, e electrics e electronics (RAEEs);
- en donar prioritat a la gestion integrala del cicle de l’aiga (gestion, preservacion e qualitat…).
Recerca de PME pel consòrci I3
Dins l’encastre de la responsa a un apèl a projècte europèu avent per objectiu de finançar d’Investiments Interregionals Innovants, l’Euroregion Pirenèus Mediterranèa e sos sòcis son a la recerca de PME per rejónher aquel consòrci.
Cercam de PME prepausant de las solucions en Economia Circulara dins lo sector de l’agroalimentari e avent de besonhs en investiments conjonch en collaboracion amb d’autres PME europèas (Investiments Interregionals) sus una Cadena de Valor. La tecnologia deu aver un estanci de madurason sus l’ escala TRL entre 6-9, fasa scale-up.
Se lo projècte es seleccionat, las PME poiràn beneficiar de Fons europèus per lors investiments e d’un programa de sosten dels sòcis e de las Agéncias d’innovacion Regionalas.
Podètz completar aquí lo formulari de recerca de sòcias. Mercés d’èsser tanben precís que possible sens divulgar d’informacion sensibla al regard de la proprietat intellectuala. Aquel document serà pas difusat publicament.
Una gestion integrada del territòri
- L’Euroregion prioriza una gestion integrada del territòri, interior e litoral, basada prioritàriament sus l’economia responsabla blava, e que compòrta :
- una gestion integrada entre las zònas de l’interior, litoralas e insularas del territòri ;
- d’unes sectors claus durables : produits de la mar, biotecnologias blavas, coneissença del litoral, gestion costièra, energia renovelabla, entre autra l’idrogèn pel transpòrt maritim.
De sectors estrategics claus
L’Euroregion prioriza una economia circulara e transformada, centrada sus tres sectors estrategics claus :
- la bioeconomia : l’Euroregion sosten son desvolopament per venir un territòri durable e amb sobeiranetat alimentària ;
- la santat : la cooperacion es prioritària per que lo sector euroregional de la santat siá a la punta en Euròpa, en se basar entre autres sus una nòva silver economy a l’entorn de l’E-santat, la biosantat, e la santat e biodiversitat…
- lo torisme : l’Euroregion s’engatja per que la destinacion toristica euroregionala, la primièra del mond, siá sana, segura, resilienta e se mantenga competitiva.
