CIUTADANS

Background

La coesion sociala afortida es prioritària per l’Euroregion e los ciutadans son al centre del projècte euroregional per 2030.


De valors comunas

L’Euroregion promòu la participacion dels ciutadans per partejar de valors comunas, europèas, democraticas e de solidaritat.

En 16 ans d’existéncia l’Euroregion a obrat per que las regions sián solidàrias entre elas, que se conescan melhor per tal de difusar las idèas europèas. L’Euroregion s’esforçarà de levar las barrièras culturalas, linguisticas, administrativas entre sos sòcis e al delà, promourà l’esperit de cooperacion e d’ententa mutuala per tal de nos faire mai fòrts e mai visibles en Euròpa.

Per 2030, los membres de l’Euroregion implicaràn los ciutadans tant dins las accions coma dins la definicion d’una part de sa politica de cooperacion e de projèctes prioritaris per eles, e doncas :

  • crearà de projèctes participatius per encoratjar l’implicacion dels ciutadans, en prioritat los joves ;
  • difusarà las valors europèas als ciutadans de l’Euroregion gràcias a una comunicacion adaptada al grand public mas tanben cap a la UE.
Coesion sociala e solidaritat

L’Euroregion vòl garantir los dreits basics als ciutadans : l’accès a l’aiga, l’educacion, l’energia, la cultura…

En mai, l’Euroregion a per objectius :

  • l’integracion dels novèls arribants, dels immigrants e favorizar las relacions intergeneracionalas ;
  • favorizar la coneissença e los escambis entre los actors socioeconomics de l’Euroregion ;
  • favorizar los biaisses novèls de crear de la coesion sociala, principalament per la cultura e en promòure de formas nòvas d’entreprene, coma dins lo sector terciari.
Los joves e l’Euroregion

L’Euroregion donarà la prioritat als joves per 2030. Per aquò :

  • favorizarà los escambis e la mobilitat d’estudiants, joves aprendisses, d’insercion e de segondari ;
  • sostendrà sas universitats per que sián inclusivas pels estudiants e los joves cercaires fàcia als desfises novèls de l’educacion, e per que coopèren entre elas al nivèl europèu ;
  • favorizarà la cooperacion entre los joves entrepreneires e las oportunitats de trabalh pels joves en promòure las borsas dins las entrepresas de l’Euroregion.
logo-euroregio-pm-