Archius ajuts Cultura

Projèctes subvencionats en 2018

Background

REACCIONA Ara

Lo resultat dirècte del projècte Reacciona, seleccionat per la convocacion del projècte de cultura euroregion 2016, “Reacciona Ara” es una version melhorada en prenent compte de l’experiéncia aquerida pendent lo projècte inicial. Reacciona Ara permet ara als joves accedir a las aisinas audiovisualas per passar de l’estat passiu de l’espectator a la creacion activa. Dempuèi lo ponch de vista pedagogic, Reacciona Ara Introdusís a la creacion audiovisuala a 400 joves de l’Eurorégion per mejan de la produccion de 12 òbras audiovisualas escrichas, dirigidas, viradas, interpretadas e editadas pels joves participants (6 per region). Fin finala, Recciona Ara permet d’ofrir un servici dempuèi d’una comanda d’una ONG. Aquela ONG parteja los sieus besonhs amb los estudiants e se compromet a utilizar lo trabalh. La siá realizacion entraïna la creacion d’una equipa transfrontalièra per sarrar de metodologias, coneissenças e practicas de gestion a una nòva escala. Lo projècte es basat nòvament sus la collaboracion entre Taller de Cinemala Cinematèca de Tolosa e Mom Works.

Recebèt una borsa euroregionala de 23.000 € per un periòde de 22 meses.


LA PASSARÈLA

Per mejan del projècte La Passarèla, se sarran mai a tres estructuras del sector de la musica mondiala e tradicionala (Fundació MediterràniaFira d’espectacles d’arrel tradicional, Silo / Associacion Jazzamèze e l’Institut d’Estudis Baleàrics) per refortir nòvas accions de cooperacion. Aquel aprochament passa per dos ponches essencials: la mobilitat dels artistas e la circulacion d’òbras musicalas dins lo territòri de l’Euroregion, mas tanben l’organizacion de reünions professionalas per analisar las valors comunas e los compausants de la musica dels territòris concernits dins lo projècte.

Lo projècte a recebut una subvencion de l’Euroregion de 22.500 èuros per un periòde de 15 meses.


InterMedit

Coma eretièr del patrimòni arqueologic de l’antiquitat, que la mar Mediterranèa n’a servit de centre, lo projècte InterMedit a per tòca crear un luòc de rescontre en destacant aquela riquesa millenària dins lo còr de l’Euroregion. Testimòni de l’activitat comerciala e culturala que s’establiguèt entre los pobladors fenicis d’Eivissa (Associació d’Amics del Museu Arqueològic d’Eivissa i Formentera), los colons grècs d’Empúries (Associació Cultural Untikesken – Amics d’Empúries) e los pòbles indigènas qu’abitan las tèrras de l’actuala Occitània (Oppidum e Musèu Enseruna), tres actors contemporanèus participan a aquel projècte d’escambi. La tòca principala d’InterMedit serà organizar una exposicion itineranta dins las tres regions e i ajustar d’activitats educativas accessiblas per un public divèrs; se centrarà essencialament en l’estil de vida interculturala que foguèt l’originalitat de la Mediterranèa en l’antiquitat.

Lo projècte a recebut una subvencion de l’Euroregion de 22.500 èuros per un periòde de 24 meses.


RCMPM (Ret de Creacion de Musica Pirenèus-Mediterranèu)

La Ret de Creacion de Musica Pirenèus-Mediterranèu (RCMPM) es un projècte de creacion de rets transnacionalas e collaborativas. Reunís a d’actors culturals (artistas, interprèts / ensembles instrumentals, luòcs de residéncia e difusion de l’Euroregion Pirenèus-Mediterranèa) que trabalhan per promòure la musica creativa e las nòvas tecnologias. Sa tòca es crear nòvas òbras musicalas innovatrises, per mejan d’una convocacion internacionala de projèctes, per tal de crear posteriorament òbras originalas qu’intercalen la musica contemporanèa e las nòvas tecnologias. Los premiats recebràn una residéncia creativa a cort tèrme e, posteriorament, auràn l’oportunitat de realizar concèrts e interpretacions en concèrts. Aquel projècte es una collaboracion entre Flahback 66PhonosPlaca Base e La Unió Social Flix.

Recebèt una subvencion euroregionala de 20.000 € per un periòde de 17 meses.


CINÈMA A LA FRONTIÈRA 2019

Cinèma a la Frontièra 2019 es un projècte d’escambis dins lo camp del cinèma e l’audiovisual. Divèrsas estructuras professionalas en Occitània (NordSud FilmsCinémaginaire), Catalonha (Festival de cinèma de Girona) e Balearas (Cineciutat) s’amassan per dobrir nòvas possibilitats per las associacions euroregionalas e la tòca del projècte es organizar una ret d’estructuras de sòcis dels tres territòris e mobilizar aquelas associacions per l’organizacion d’eveniments a granda escala dins los tres territòris.

Lo projècte a recebut una subvencion d’Euroregion de 22.000 € per un periòde de 22 meses.


Circ au carré

Circ au Carré es un projècte qu’a per tòca enfortir los ligams entre los actors del circ contemporanèu de l’Euroregion Pirenèus-Mediterranèa (artistas, trabalhadors o directors d’organizacions), mas tanben per ofrir oportunitats de mobilitat e desvolopament als artistas emergents locals. I a quatre centres de creacion reconeguda dins son territòri (La Grainerie – La Verrerie – Alcem el Cine – La Central del Circ), qu’amassa seleccionaràn quatre entrepresas localas per los ofrir una residéncia experimentala dins un territòri que siá pas lo de sa residéncia, alavetz auràn l’escasença de convidar un artista local, aital auràn l’oportunitat de discutir e rebatre dins un contèxt regional cossí satisfar los sieus besonhs especifics. Aquelas entrepresas seràn tanben convidadas a participar a dos talhièrs transversals, en preséncia d’autres professionals del sector dels nòstres territòris. Aqueles talhièrs pretenon reünir e soscar sus la relacion entre artistas e professionals.

Lo projècte a recebut una subvencion de l’Euroregion de 22.500 èuros per un periòde de 22 meses.


La cultura orala dels païsatges culturals agraris de l’Euroregion Pirenèus-Mediterrànea

“La cultura orala dels païsatges culturals agraris de l’Euroregion Pirenèus-Mediterrànea” es un projècte qu’a per tòca documentar e metre en relèu los intangibles ligats al procès de transformacion del païsatge coma consequéncia de cambiaments en l’agricultura e los procèsses de produccion. Lo projècte consistís en l’eleccion d’un païsatge cultural agricòla de cada territòri, e una recèrca en la literatura e la recuperacion de la memòria orala d’aqueles que foguèron testimònis e/o actors d’aqueles desvolopaments. Los resultats d’aquelas enquèstas seràn après retornats jos la forma d’una exposicion, de jornadas tecnicas seràn tanben disponibles per mejan d’un luòc web e un inventari virtual. D’aquesta manièra se crearàn las rets de cooperacion euroregionala e se consolidan entre las entitats concernidas, per promòure la coneissença, la reflexion, la discussion e la participacion de las comunitats dins cada territòri d’aquel patrimòni particular. Los membres d’aquel projècte son: Consell Insular de Mallorca – Departament de Cultura, Patrimoni i Esports, L’Institut Ramon Muntaner (IRMU) e “Saloir” de la municipalitat de Ròcafòrt.

Recebèt una subvencion euroregionala de 15.000 € per un periòde de 24 meses.


Cinèma Liure a la Bibliotèca

Cinèma liure a la Bibliotèca es un projècte d’escambi e ligam cultural que fomenta l’usatge de l’audiovisual local e promòu l’usatge de bibliotècas coma espaci social apiejat per Mago ProductionGodo Films e l’Associació de Productores Audiovisuals de les Illes Balears (APAIB). Lo projècte combina la projeccion de documentaris en format de cicle cinematografic dins divèrsas bibliotècas amb l’escambi d’òbras literàrias e audiovisualas entre las diferentas rets participantas, totas jol labèl de produccion ”Pyrénées-Méditerranée”. Se planifica visualizar documentaris de cada region de manièra equitativa. Lo scenari ideal seriá presentar 12 documentaris procedents de Catalonha, 8 de las Islas Balearas e 8 procedents de la Regió Occitània.

Lo projècte a recebut una subvencion de l’Euroregion de 22.500 èuros per un periòde de 12 meses.

Written by: admin

Rate it

logo-euroregio-pm-