L’Euroregion e la MedCoopAlliance participan als eveniments que se debanaràn dins l’encastre dels MedCat Days, organizats conjonchament pel Departament d’Accion exteriora e Union Europèa de la Generalitat de Catalonha e l’Institut europèu de la Mediterranèa (IEMed), qu’auràn luòc a Barcelona las 12 e 13 de junh de 2023.

• 12/06/23 Seminari MedCat Dialògs : « Relançar amassa l’apròchi transformador de l’agenda euro-mediterranèu »
  Aquel seminari lançarà un debat per repensar e transformar las relacions euro-mediterranèas dins lo contèxt del conflicte en Ucraïna, per contribuïr a la començada de l’agenda novèla per la Mediterranèa de l’Union Europèa, en coeréncia amb los objectius de desvolopament duradís. Aquò necessita egalament d’un esfòrç renovelat per establir de mecanismes innovants de governament multi-nivèl e collaborativa implicant totes los actors coma agents de transformacion dins la region euro-mediterranèa. Dins aquel contèxt, la Presidéncia catalana de l’Euroregion Pirenèus-Mediterranèa promòu un workshop sus « l’engatjament de l’Euroregion Pirenèus-Mediterranèa dins la lucha contra la secada ».

• 13/06/23 MedCat Partners Forum : « Governança e cooperacion territoriala euro-mediterranèa »
  Espaci de rencontre dobèrt, orientat sus l’objectiu especific de governament coma prioritat dels programas de cooperacion territoriala e euro-mediterranèus. Los debats portaràn sus las perspectivas novèlas e oportunitats, l’impacte e las alianças novèlas e la promocion de sinergias dins aquel contèxt.

Programa detalhat del 12/05/23

Programma detalhat del 13/05/23

Formulari d’inscripcion – Obligatòria per assistir a las MedCat Days.
Traduccion simultanèa catalan-espanhòl-anglés-francés disponible. Nombre de participants limitat a la capacitat de la sala