Governança

Background
Organizacion juridica

L’Euroregion Pirenèus Mediterranèa es un Gropament Europèu de Cooperacion Territoriala (GECT), entitat juridica definida dins l’encastre del règlament europèu (UE) Nº1302/2013 del Parlament europèu e del Conselh del 17/12/2013 que modifica lo règlament (CE) nº1082/2006.

Sos estatuts e sa convencion novèls respondon a aqueste règlament europèu e tanben a la lei francesa sus las collectivitats territorialas pel fait que lo sèti del GECT siá en França.

Sos membres finançan en granda part lo foncionament de l’estructura e lo plan d’accions pluriannadièr de l’Euroregion. L’autra part del finançament ven de fonses de l’Union Europèa, es a dire de sos diferents programas, que sián de cooperacion (los programas INTERREG) o d’autres apèls sectorials del tipe LIFE, Horizon Europe o Europe Creative… Una part minoritària del finançament pòt venir tanben d’autras participacions de partenaris que sián publics o privats.

Lo budgèt de l’Euroregion vària segon las annadas, los apèls a projèctes, los projèctes europèus en cors e las accions programadas.

Tornatz-vos sus nòstra cadena YouTube per veire una video de presentacion de l’Euroregion !

Membres

Lo GECT Euroregion Pirenèus Mediterranèa es format de sos 3 membres fondators : la Region Occitània, (abans Miègjorn- Pirenèus e Lengadòc-Rosselhon), la Generalitat de Catalonha e lo Governament de las Illas Balearas

Catalonha

Catalonha a una superficia de 31 950 km² e compta 7 722 203 d’abitants (IDESCAT 2020), que representan 17% de la populacion de l’Estat espanhòl. Son PIB es de 250 597 milions d’èuros (IDESCAT 2019) e representa mai de 20% del PIB espanhòl, çò que ne fa la segonda economia dins l’Estat espanhòl. Per çò qu’es del PIB per abitant, Catalonha ocupa la quatrena posicion dins lo classament del PIB per abitant entre las comunitats autonòmas.

Las Illas Balearas

Las Illas Balearas son formadas de quatre isclas mediterranèas (Malhòrca, Menòrca, Eivissa e Formentera) e mantunes isclons. An una superficia de 4 992 km² e comptan 1 149 460 abitants (IBESTAT 2019). Son PIB es de 33 716 millions d’èuros (IBESTAT 2019) e ocupa la seisena posicion per çò qu’es del PIB per abitant entre las comunitats autonòmas de l’Estat espanhòl.

Occitània

La region Occitània a una superficia de 72 724 km². Es una region del sud de França amb mai de 5,9 milions d’abitants (INSEE 2019), que representan 9% de la populacion francesa. Amb un PIB de 159 115 milions d’èuros (INSEE 2015), representa 7,7% del PIB francés.

Presidéncia

La presidéncia fonciona per torns de dos ans entre los membres. Dempuèi febrièr de 2023 lo President de l’Euroregion es Pere Aragonès, president del governament de la Gereralitat de Catalonha.

Pere Aragonès, President de la Generalitat de Catalonha e de l’Euroregion Pirenèus Mediterranèa ; Margalida Prohens, Presidenta del Governament de las Illas Balearas ; Carole Delga, Presidenta de la Region Occitània.

 

Trobaretz aicí lo programa de la presidéncia catalana de l’Euroregion 2023-2025 (FR) e aicí la pagina que i consacra la Generalitat, con lo ligam sus sa video de presentacion.

 

 

 

Passacion de Presidéncia de l’Euroregion entre Carole Delga e Pere Aragonès, en preséncia de Rosario Sánchez, Ministra de las finanças e de las Relacions Exterioras, en representacion del governament de las Illas Balearas. Tolosa, febrièr de 2023
Comissions e grops de trabalh

L’Euroregion compta 5 comissions tematicas :

Las comissions de l’Euroregion :

  • Se cargan de metre en marcha lo plan d’accion pluriannadièr fixat per la fuèlha de rota 2030 ;
  • Finançan las accions que lor correspondon ;
  • Seguisson los projèctes estrategics de l’Euroregion, entre autre los apèls a projèctes euroregionals, e tanben los projèctes europèus dels que l’Euroregion n’es partenària ;
  • Participan a las juradas de seleccion dels projèctes que se presentan als apèls a projèctes ;
  • Son formadas per de representants politics e tecnicians dels departaments, agéncias sectorialas de cadun dels 3 membres ;
  • Son animadas pel Secretari General de l’Euroregion, amb lo sosten del secretariat tecnic.

Los Grops de trabalh :

D’un autre costat, l’Euroregion a de grops de trabalh per seguir mai en detalh de projèctes especifics menats per, o als que participa, l’Euroregion.

Son lo grop Pargues, Aiga, Climat, Energia, Degalhs e Agricultura.

Participan a la definicion dels projèctes e a lor finançament.

Ne fan part los tecnicians dels departaments sectorials o de las agéncias de cadun dels tres membres.

Secretariat tecnic de l’Euroregion    

Lo secretariat tecnic de l’Euroregion es format per d’agents contractats pel GECT Euroregion Pirenèus Mediterranèa, que sián foncionaris o contractuals, per tal de garentir lo bon foncionament de l’institucion, lo seguit del plan d’accions e dels projèctes europèus als que participa. Es dirigit pel Secretari general.

Lo Secretari General :

Es nomenat per la presidéncia, sus proposicion de l’Amassada Generala. Dirigís l’activitat del Gropament Europèu de Cooperacion Territoriala (GECT) dins l’encastre de las orientacions e missions decididas per l’Amassada e per delegacion de la presidéncia. Lo Secretari General prepara lo budgèt e las deliberacions de l’Amassada e garentís l’administracion generala del GECT, entre autre.

Lo secretariat tecnic es format per :


LA CÒLA DE DIRECCION

SECRETARI GENERAL

Xavier BERNARD-SANS

xavier.bernardsans@euroregio-epm.eu



RESPONSABLE ADMINISTRACION E FINANÇAS

Philippe PERIES

philippe.peries@euroregio-epm.eu


L’ADMINISTRACION E LAS RESSORSAS UMANAS

COORDINADOR BUDGETARI E RESSORSAS UMANAS

Anthony SEGURA

cbr@euroregio-epm.eu



SUPÒRT DE PROJÈCTES E GESTION ADMINISTRATIVA

Laetitia CARRERA

accueil@euroregio-epm.eu 



SUPÒRT DE PROJÈCTES EUROPÈUS

Ludovic HERRERIA

ludovic.herreria@euroregio-epm.eu


LOS RESPONSABLES DE PROJÈCTES

CULTURA E TORISME

Lorena ABELENDA CASTRO

lorena.abelendacastro@euroregio-epm.eu



ENVIRONAMENT, CLIMAT E ENERGIA

Joan LLORET

joan.lloret@euroregio-epm.eu


PIERRE

INNOVACIO E ENSENHAMENT SUPERIOR

Pierre CAMPS

pierre.camps@euroregio-epm.eu


LOS RESPONSABLES DE COMUNICACION

COMUNICACION EUROREGION 

Maïna GAUTIER

maina.gautier@euroregio-epm.eu



COMUNICACION PROJÈCTE WAT’SAVEREUSE

Ariadna ANTON

ariadna.anton@euroregio-epm.eu


ESTAGIARIS A L'EPM

SUPÒRT DE PROJÈCTES EUROPÈUS

Romane SCHABAILLIE

stagiaire@euroregio-epm.eu

 


VIDEO PRESENTACION EUROREGION

logo-euroregio-pm-