Ensenhament superior e recèrca

Background

Dempuèi lo 2009, l’Euroregion impulsa l’Eurocampus Pirenèus Mediterranèa, aisina per ajudar las universitats e los centres de recèrcas euroregionals a cooperar entre eles. 

Aquel Eurocampus materializa aquela volontat per tal de dar sosten a un ensems euroregional de mai de 700.000 estudiants, professors e investigadors en 2020.

Las convocacions dins lo quadre de l’Eurocampus an atengut mai d’1 millió d’èuros d’ajuda entre 2009 e 2020.

L’Eurocampus s’es estructurat entorn de la mobilitat, l’escambi de coneissenças, la cooperacion en matèria de recèrca e d’innovacion e tanben de l’establiment de rets entre professors, investigadors e lo mond de l’entrepresa.

La tòca de l’Euroregion per mejan de l ’Eurocampus es «Articular l’ensems d’agents de l’educacion superiora e de la recèrca de l’Euroregion e aumentar l’atractivitat del territòri».

La tòca pel 2030, serà d’ajudar encara mai las universitats, los sieus centres de recèrca e los sieus estudiants e investigadors per tal d’èsser prèstes per las escomesas de l’ensenhament e de la recèrca del futur dins un contèxt de mai en mai incèrt.

Dispositius dins lo quadre de l’Eurocampus, destinats a l’ensenhament superior e la recèrca:

Fons COVID:

Lo fons euroregional Covid-19 preten facilitar la continuïtat de l’ensenhament, la cooperacion entre universitats e l’inclusion de totes los estudiants malgrat las restriccions en causa de las crisis sanitàrias.

Resolucion:

 

Chèc Eurocampus:

A l’ora d’ara lo dispositiu chèc mobilitat «Eurocampus» es accessible per totes los estudiants de Mastèr e licenciaturas procedents del territòri euroregional e que partisson en mobilitat a qualqu’una de las quatre regions e per tal de recebre aquela ajuda de 600 èuros, trobaretz aquí totes los elements.

Cotutèlas de tèsis:

L’Euroregion a apiejat unas cotutèlas de tésis per tal d’enfortir las relacions de recèrca entre universitats.

Doblas titolacions:

D’un autre costat, l’Euroregion promòu las Doblas titolacions e favorís la mobilitat del professorat e dels investigadors per mejan d’ajudas especificas.

Participacion dins projèctes europèus:

Globalament l’Euroregion prepausa ajudar las siás universitats mercés a la cooperacion dins lo quadre euroregional mas tanben europèu. Per aquò, a participat per exemple coma líder dins lo quadre del projècte europèu finançat per Erasmus +, EHealthEurocampus, amassa amb unas universitats del sieu territòri e d’Euròpa, per tal de desvolopar las formacions e las relacions entre las universitats del mond de la santat e lo de l’engenhariá.

AJUDAS E SUBVENCIONS

O senti, i a pas res per ara.
Veire totes

ARCHIUS AJUDAS E SUBVENCIONS


Veire totes
logo-euroregio-pm-