Vous êtes ici

Lo projècte Euroregion Pirenèus Mediterranèa

 

La tòca del Portal Cultural de l'Euroregion Pirenèus Mediterranèa es de metre en valor sus Internet la façada culturala d'aquesta euroregion. Es per aquesta rason que d’un costat s'i amassan tant las ressorsas culturalas de totas las cinc regions europèas concernidas segon de critèris de participacion, d’equilibri e d’excelléncia, e que de l’autre s'i desvolopan de projèctes comuns basats sus las ressorsas de totes cinc.

 

Es, doncas, lo primièr acte d'una cooperacion culturala de las administracions publicas dins l’Union Europèa, e una contribucion a la construccion d'Euròpa a partir del domeni cultural euromediterranèu.

 

Aquesta cooperacion a per vocacion tanben d’estimular la participacion del public de la cultura e del torisme cultural dels territòris concernits e de favorir los ligams entre los professionals del sector cultural.